«Ұлттық ақпараттық технологиялар» АҚ («ҰАТ» АҚ) Мемлекеттік органдардың интернет-ресурстарының бірыңғай платформасы (МО ИРБП) үшін жаңа дизайн әзірлеп, іске қосты.

Енді eGov мобильді қосымшасының пайдаланушылары өздерінің деректерінің қауіпсіздігін жаңа Nomad Guard мобильді сервисі арқылы тексере алады. Сервис барлық азаматтарға қолжетімді және ықтимал қауіптерді іздеу үшін күдікті сілтемелер мен веб-сайттарды тексеру арқылы жеке деректердің бұзылуын оңай анықтауға мүмкіндік береді.

Әскери оқу орындарының бұрынғы курсанттары оқу орнына қайта түсу үшін үйден шықпай-ақ өтініш бере алады. Ол үшін eGov.kz порталы арқылы өтінім беру жеткілікті. Қызмет тегін көрсетіліп, кемінде бір семестр оқуды аяқтағандарға қолжетімді болады.

Бұрын қалпына келтіру процедурасы күрделі болып, жеке қатысуды талап ететін. Үміткерлер оқу орнына өтініш беріп, жеке куәлік, транскрипт, қызмет орны сипаттамасы, фотосурет, әскери куәлік көшірмесі және басқа да құжаттарды қамтитын кең пакетті жинауы керек еді.

eLicense.kz порталында рұқсат беру құжаттарын автоматты түрде қайта рәсімдеу механизмі енгізілді. Енді заңды тұлғаның атауы немесе жеке тұлғаның тегі, аты-жөні өзгерген жағдайда қайта рәсімдеуге өтініш берудің қажеті жоқ. 1414 қысқа нөмірінен келетін SMS-хабарламаға жауап беру жеткілікті – жүйе мәліметтерді өздігінен жаңартып, құжатты қайта рәсімдейді.

eGov.kz порталында қорғаншылар мен қамқоршыларға қамқорлығындағы адамдардың мүлкіне және әлеуметтік төлемдеріне билік етуге рұқсат алуға мүмкіндік беретін жаңа көрсетілетін қызмет іске қосылды. Көрсетілетін қызмет сот әрекетке қабілетсіз немесе әрекет қабілеті шектеулі деп таныған кәмелетке толған азаматтардың заңды өкілдеріне арналған. Ол тегін ұсынылады және қорғаншылардың мүлкіне билік етуге ресми рұқсат алуға мүмкіндік береді.

eGov.kz порталында Қазақстан Республикасы Қорғаныс министрлігінің әскери оқу орындарына кандидаттарға түсуге өтініш беру қызметі қолжетімді. Үдеріс толығымен электронды, оған өтініш беру және Жеке кабинеттен нәтиже алу кіреді.

Жүйе кіру шектеулерін (медициналық деректер, созылмалы аурулар және алынған инфекциялар) тексереді, сондай-ақ сотталғандықты тексеру сұранысын жібереді. Егер адам сотталмаған болса, жауап 10 минуттың ішінде келеді. Содан кейін ҚР Ұлттық қауіпсіздік комитеті тарапынан арнайы тексеруден өту үшін сауалнаманы толтыру қажет.

Енді үй жануарларының цифрлық паспорттары eGov Mobile қосымшасында қолжетімді! Мысық, ит және басқа да үй жануарларының иелері олардың мәліметтерін eGov Mobile мобилді қосымшасының «Цифрлық құжаттар» бөлімінен қарай алады.

Барлық мәліметтер TABAN – үй жануарларын есепке алу Бірыңғай деректер базасынан жүктеледі. Бұл жүйеде тіркелген барлық жануарлар және оларға қатысты маңызды оқиғалар жазылып отырады.

Қазақстандықтар енді өздерінің мобильді құрылғыларының верификация статусын eGov Mobile мобильді қосымшасы, www.gov.kz және imei.rfs.gov.kz порталдары арқылы тексере алады. Жаңа сервис Идентификациялық кодтар дерекқоры арқылы (ИКД) IMEI-кодтың тіркелген-тіркелмегенін анықтауға, сондай-ақ нақты құрылғыға байланған нөмірлердің санын білуге мүмкіндік береді.

IMEI (International Mobile Equipment Identity) – бұл әрбір ұялы байланыс құрылғысына берілетін бірегей 15 таңбалы нөмір. Ол құрылғының өндірушісі, моделі және жасалған елі туралы ақпаратты қамтиды.

eGov Mobile қосымшасында жаңа анықтамалық бөлім пайда болды – «Тұрғын үйге мұқтаждар есебіне қою бойынша сұрақтар». Енді пайдаланушылар келесі жиі қойылатын сұрақтарға жауап ала алады: тұрғын үй кезегіне кім тұра алады, өтінімді қарау қанша уақытты алады, егер тұрғын үй туыстардың атына рәсімделген болса, өтінім беруге бола ма және тағы басқалары.

eGov Mobile мобильді қосымшасында кәмелет жасына толған азаматтарға қамқоршылық жасайтын тұлғалар туралы мәліметтері бар цифрлық құжат қолжетімді болды. Бұл құжат «Е-Собес» ақпараттық жүйесіндегі деректер негізінде жасалады, онда тіркелген барлық қамқоршылар, қорғаншылар және олардың қамқорлығындағы азаматтар туралы мәліметтер сақталады.